Euskadiko Gida Txakurren Elkartea (APGE)

Zer da APGE?

APGE gida txakurren erabiltzaileek eta laguntzaileek osatutako elkartea da.

Inklusioa hobetzeko, eskubideak bermatzeko eta eguneroko autonomiari laguntzeko lan egiten dugu.

Gida txakurren erabiltzaileak ordezkatzen ditugu.
Haien eskubideak defendatzen ditugu.
Gizarte irisgarriago bat bultzatzen dugu.

APGEko Zuzendaritza Batzordea

Ezagutu elkarteko Zuzendaritza Batzordea osatzen duten pertsonak.

Alicia Carreño Pérez

APGEko presidentea

Zuriñe de Anzola Guerra

APGEko presidenteordea

Maialen Solaun Picaza

APGEko idazkaria

Vanessa Sierra Garrido

APGEko diruzaina

Leidy Aldana Rodriguez

APGEko bokala

Zer egiten dogu?

Laguntza praktikoa eta informazio argia eskaintzen ditugu.

Informazio erabilgarria

Araudiari, baliabideei eta laguntzei buruzko informazioa ematen dizugu.

Sentsibilizazioa

Gida txakurren erabiltzaileen errealitatea zabalduta sentsibilizazioa lantzen dugu, eta informazio hitzaldiak eskaintzen ditugu ikastetxeetan, elkarteetan eta beste gune batzuetan.

Gida txakurraren ongizatea

Gida txakurraren ongizatea sustatzen dugu, erabiltzailearen autonomiaren funtsezko zati gisa.

Laguntza sarea

Erabiltzaileen artean sarea sortzen dugu, esperientziak, laguntza eta irtenbideak partekatzeko.

Araudia

Kontsultatu hemen gida txakurren erabiltzaileen sarbidearekin eta eskubideekin lotutako araudi nagusia.

Real Decreto 409/2025, de 27 de mayo, por el que se regula la actividad y bienestar de los perros de asistencia Ley 7/2023, de 28 de marzo, de protección de los derechos y el bienestar de los animales 10/2007 LEGEA, ekainaren 29koa, Ahalmen Urrituentzako Laguntza Txakurrei buruzkoa

Egin zaitez bazkide

APGEren parte izan eta laguntza sare aktibo batean parte hartu.

Bazkide izan daitezke gida txakurren erabiltzaileak eta baita pertsona laguntzaileak ere.

Gida txakurren erabiltzaile bazkideek 10 €-ko izen-emate kuota ordaindu behar dute. Gainera, urteko kuota 60 €-koa izango da Euskal Autonomia Erkidegoan bizi badira, eta 30 €-koa beste autonomia erkidego batean bizi badira.

Bestalde, bazkide laguntzaileek 30 €-ko urteko kuota izango dute eta ez dute izen-emate kuotarik ordaindu beharko.

Bazkide eginez, eskubideen defentsa, informazio erabilgarria eta gizarte-sentsibilizazioa indartzen laguntzen duzu.

Idatzi iezaguzu alta egiteko.

Bazkide izan nahi dut

Jarduera

Etengabeko jarduera mantentzen dugu informatzeko eta sentsibilizatzeko.

Hitzaldiak eta tailerrak.
Erabiltzaileen arteko topaketak.
Sentsibilizazio ekintzak.
Erakundeekin lankidetzak.

Ekitaldiak eta Berriak

Hemen elkartearen azken berriak eta deialdiak partekatuko ditugu.

Gida txakurrak eta beroa: udako arriskuak eta prebentzioa Gure Kide Albaitaritza Klinikarekin

Ekainaren 15a, 20:00, Zoom bidezko hitzaldia

Beroak gure ohiturak aldatzen ditu, eta gure txakurrenak ere bai. Gida txakur baten kasuan, udako arriskuak ezagutzen eta prebenitzen ikastea ez da osasun kontua bakarrik, bere pertsona erabiltzailearekin osatzen duen taldearen autonomia zaintzeko modu bat ere bada.

APGEk Zoom bidezko hitzaldi praktiko bat antolatu zuen Gure Kide Klinikako Uritz eta Laurarekin, prozesionaria, bero-kolpea, hondartza, dermatitisak, parasitoak eta udarako prebentzio neurri nagusiak lantzeko.

Irakurri artikulu osoa

Irudiaren deskribapena: Udarako ilustrazio bat, pertsona erabiltzaile bat eta bere gida txakurra arnesarekin itzaleko hiri-ingurune batean ageri direla, ura eskura dutela eta beroaren prebentzioarekin lotutako elementuekin.

APGEren Lehen Batzar Nagusiaren ospakizuna

Apirilaren 25a, Bilboko Ibaiondo Udaltegia

Apirilaren 25ean APGEren Lehen Batzar Nagusia egin zen Bilboko Ibaiondo Udaltegian.

Batzarrean Elkartearen Estatutuak onartu ziren eta Zuzendaritza Batzordeko karguak berretsi ziren.

Halaber, elkartea sortu zenetik eman diren urratsak aurkeztu ziren, Diruzaintzaren egoera azaldu zen eta 2026rako Jarduera Plana aurkeztu zen.

Gainera, hemendik aurrera elkarteak dituen erronkei buruz ere hitz egin zen.

Irudiaren deskribapena: APGEren Lehen Batzar Nagusiko irudia, agerraldien tariman Zuzendaritza Batzorde osoa agertzen dela. Ezkerrean zutik Maialen dago, APGEko idazkaria, eta eskuinean zutik Leidy dago, APGEko bokala. Eserita, ezkerretik eskuinera, ageri dira Zuriñe, APGEko presidenteordea, Vanessa, APGEko diruzaina, eta Alicia, APGEko presidentea.

Kontaktua

Zalantzarik, iradokizunik edo laguntza beharrik baduzu, gustura irakurriko zaitugu.

Formularioaren bidez edo orri honetan aurkituko dituzun bideen bidez idatz diezagukezu. Beti ahalik eta azkarren erantzuten saiatzen gara, nahiz eta batzuetan pixka bat gehiago behar izan.

Zure kontsulta irisgarritasunarekin, teknologiarekin lotuta badago edo proiekturen batean lagundu nahi baduzu, azaldu xehetasunez hobeto lagundu ahal izateko.

Eskerrik asko hona etortzeagatik.

Harremanetarako bideak

Posta elektronikoa
info@perrosguiaeuskadi.com

WhatsAppeko testu edo audio mezua
+34 614 44 90 31